நீங்கள் இனி ரசிகர்கள் இல்லை; VIRTUAL WARRIORS" - தவெக ஆலோசனைக் கூட்டத்தில் விஜயின் வீடீயோ

நீங்கள் இனி ரசிகர்கள் இல்லை; VIRTUAL WARRIORS" - தவெக ஆலோசனைக் கூட்டத்தில் விஜயின் வீடியோ

    தமிழ் சினிமாவின் முன்ணணி நடிகரும் தவெக தலைவரான தளபதி விஜய்  அவர்களின் வீடியோ சமூக வலைத்தளங்களில்ரவைரலாகி வருகிறது.   இன்றைய  அரசியலில் சமூக வலைத்தள பங்கு  பரந்து விரிந்துள்ள நிலையில், தமிழ்நாட்டில் வலிமையான டிஜிட்டல் ஊடக செல்வாக்கை கட்டியெழுப்பும் நோக்கில் அவர் கட்சி "தமிழ்நாடு வெற்றிக் கழகம்" (தவெக) தற்போது முக்கியமான ஆலோசனைக் கூட்டங்களை நடத்தி வருகிறது. அந்த வகையில், சமீபத்தில் நடைபெற்ற தகவல் தொழில்நுட்ப மற்றும் சமூக ஊடக பிரிவு ஆலோசனைக் கூட்டம் பலர் கவனத்தை ஈர்த்தது.

இந்த கூட்டத்தில், தளபதி விஜய் நேரடியாக பங்கேற்க முடியாத நிலையிலும், ஒரு வீடியோ பதிவு மூலம் முக்கியமான செய்தியைக் கூறினார். இதில் அவர் ரசிகர்களை மேம்பட்ட வகையில் "Virtual Warriors" என அழைத்தது பெரும் எதிரொலியை ஏற்படுத்தியுள்ளது.

       வீடியோவில் "நீங்கள் இனி ரசிகர்கள் இல்லை. நீங்கள் இனி VIRTUAL WARRIORS!

உங்கள் ஒவ்வொரு சமூக ஊடக செயல்பாடும் – ஒரு போஸ்ட், ஒரு கமெண்ட், ஒரு பகிர்வு – எல்லாம் சமூகத்தில் மாற்றத்தை ஏற்படுத்தும் அளவுக்கு சக்தி வாய்ந்தது. நம்முடைய  இலக்குகளை பொதுமக்கள் மத்தியில் கொண்டு சேர்க்கும் பணியில் உங்கள் பங்களிப்பு மிகவும் அவசியமானது."

ஆகவே கருத்துகளை கவனமாக பகிர்ந்து கொண்டு சேர்க்க வேண்டும் என தெரிவித்தார். விஜயின் இந்த உரை, கட்சி ஆதரவாளர்களின் உற்சாகத்தையும், இனி வரும் தேர்தல்களுக்கான டிஜிட்டல் தயாரிப்பையும் வெளிப்படுத்துகிறது.

         இந்த கூட்டத்தில், பல்வேறு மாவட்டங்களைச் சேர்ந்த சமூக ஊடக மற்றும் IT பிரிவு செயற்பாட்டாளர்கள் பங்கேற்றனர். இதில் முக்கியமாக:

வாட்ஸ்அப், ஃபேஸ்புக், இன்ஸ்டாகிராம், யூடூப் மற்றும் எக்ஸ் (முந்தைய ட்விட்டர்) பக்கங்களை இயக்கும் திட்டங்கள்  மாவட்ட வாரியாக டிஜிட்டல் வாரியங்களை அமைக்கும் திட்டங்கள்,

தவெக கொள்கைகள் மற்றும் மக்கள் பயன்பாட்டுக்கான தகவல்களை அடிப்படையாகக் கொண்டு கிராபிக்ஸ், வீடியோக்கள் உருவாக்கும் செயற்பாடுகள் குறித்து கலந்து குறித்த பட்டது.

இன்று மக்கள் பெரும்பாலும் தகவல்களை சமூக ஊடகங்களில் பெற்றுக்கொள்கிறார்கள். இதை உணர்ந்த விஜய், வழக்கமான அரசியல் போக்குகளைவிட, நவீன டிஜிட்டல் ஊடகங்களை அடிப்படையாகக் கொண்டு இயக்கம் நடத்த திட்டமிட்டுள்ளார். "Virtual Warriors" என்ற விஜயின் இந்த புதிய அழைப்பு, அவரது கட்சி தவெக தற்போது Digital First Political Movement என வலியுறுத்தும் முயற்சியின் பகுதியாகக் கருதப்படுகிறது.

      தளபதி விஜய் தனது அரசியல் பயணத்தில் டிஜிட்டல் வீரர்களை நம்பி செயல்பட தொடங்கியுள்ளார். "நீங்கள் இனி ரசிகர்கள் இல்லை" என்கிற அவரது உரை, அவரது அரசியல் யோசனைகளின் புதிய பரிணாமம் தான். இனி வரும் நாட்களில், இந்த "Virtual Warriors" என்னென்ன மாற்றங்களை அரசியல் சூழலில் உருவாக்கப்போகிறார்கள் என்பதை பொறுத்திருந்து பார்ப்போம்.