நயன்தாராவுடன் எனக்கு எந்த பிரச்சனையும் இல்லை - இயக்குனர் சுந்தர்.சி தெளிவுபடுத்தல்!
நயன்தாராவுடன் எனக்கு எந்த பிரச்சனையும் இல்லை - இயக்குனர் சுந்தர்.சி தெளிவுபடுத்தல்!
தமிழ் சினிமா உலகில் வதந்திகள் என்பது புதிதல்ல. குறிப்பாக பிரபலமான நட்சத்திரங்களைச் சுற்றி பரவும் தகவல்கள், ரசிகர்களிடையே பெரும் குழப்பத்தை ஏற்படுத்தும். இப்போது அத்தகைய வதந்தியின் நடுவே இயக்குனர் சுந்தர்.சி நேரடியாக தனது பதிலை தெரிவித்துள்ளார்.
சமீபத்தில், நடிகை நயன்தாரா மற்றும் இயக்குனர் சுந்தர்.சி இடையே எந்தவிதமான மனகசப்பு ஏற்பட்டதாகவும், 'மூக்குத்தி அம்மன் 2' படப்பிடிப்பில் சில பாகுபாடுகள் ஏற்பட்டதாகவும் செய்திகள் பரவின. இதற்கு தற்போது சுந்தர்.சி நேரடியாக விளக்கம் அளித்துள்ளார்.
எங்களுக்குள் எந்த பிரச்சனையும் இல்லை. நயன்தாராவும் எனக்கும் இடையே எந்தவிதமான பிரச்சனையும் இல்லை. இதுபோன்ற செய்திகள் ஏன் பரவுகிறது என்பது எனக்கே புரியவில்லை. அவரது விளக்கத்தில், நயன்தாரா ஒரு தொழில்முறை நடிகை என்றும், தனது வேலையில் முழுமையாக ஈடுபடும் பழக்கம் கொண்டவராகவும் குறிப்பிட்டுள்ளார்.
"'மூக்குத்தி அம்மன் 2' திரைப்படத்தின் முதல்கட்ட படப்பிடிப்பு போல்லாச்சியில் நடந்து முடிந்தது. ஒரு அரைமணிநேரம் ஓய்வு இருந்தால்கூட, நயன்தாராவை கேரவனுக்கு போகச் சொல்வேன். ஆனால் அவருக்கு கேரவன் விருப்பமில்லை. படப்பிடிப்பு தளத்தில்தான் இருப்பது அவருடைய வழக்கம். காலையில் செட்-க்கு வந்தால் மாலை ஷூட்டிங் முடியும் வரை அங்கேயே இருப்பார்."
சில செய்தி ஊடகங்களில் வெளியான "நயன்தாரா செட்டில் நேரத்தை தவறாக பயன்படுத்துகிறார்" என்ற போன்று வந்த தகவல்களை மறுத்த இயக்குனர் சுந்தர்.சி, இது போன்ற பொய்யான தகவல்களுக்கு அடிக்கடி விளக்கம் தர முடியாது என்றும், உண்மையை அவர் சொன்னதாக தெரிவித்தார்.
நயன்தாரா – சுந்தர்.சி இணைப்பு மீண்டும் ‘மூக்குத்தி அம்மன் 2’ மூலம் திரையில் செம்ம கம்பேக் செய்ய இருக்கிறது. இந்தப் படம் குறித்து ரசிகர்கள் ஆர்வமாக காத்திருக்க, இப்படியான வதந்திகள் தேவையற்ற குழப்பங்களை ஏற்படுத்துவதாக ரசிகர்கள் சோசியல் மீடியாவில் பதிவிட்டு வருகின்றனர். உண்மையான திறமையை கொண்டவர்கள் எப்போதும் சொந்த வழியை காட்டுவார்கள்!
Comments
Post a Comment